Ikhomidi yedale lephalamende ebona ngokusetshenjiswa kwemali yesizwe ikhuthaza ukuba inxuswe ekuhleleni indlela uhulumende akweleda ngayo izimali kunye lokusetshenjiswa kwezikwelede ukuze lumsebenzi ungatshiyelwa umpathintambo wezemali eyedwa.
Lokhu kuvele emhlanganweni wekhomidi yedale lephalamende ebona ngokusetshenjiswa kwemali yesizwe lozulu owenzelwe eHarare, kukhangelisiswa ukuguqulwa kwemithetho ebalisa owe Public Finance Management Bill kunye lowe Special Economic Zones Bill oka2015.
Umnumzana Israel Mabhoo olilunga leBoard yenhlanganiso ye Zimcodd kunye lenhlanganiso ye Alternative Business Alliance uthi lumthetho lokhe unikeza amandla amanengi kuziphathamandla zikahulumende uzulu engakwazi okwenzakalayo:
Ethi uhulumende lengatsha zakhe ngobunengi bazo uthatha isikhathi eside esingafika kuminyaka embili kusiya kwemithathu engakavezi ama Report endlela ayabe esebenzise ngayo izimali zakhe kungela ezinye inhlangothi ezihlola lokhu, okuyinto etshiya uzulu engavikelekanga:
Inhlanganiso yezisebenzi eye ZCTU inikeze ugwalo lombono walo kule ikhomidi isola kakhulu udaba lokuba izisebenzi zamankampani aweExport Processing Zones ziyabe zitshiywa ngaphandle komthetho we Labour act. Unobhala jikelele we ZCTU umnumzana Japhet Moyo uthi lokhu yikwephula umthetho lesisekelo sombuso:
Umnumzana Keid Zvavanjanja ingcwethi kwezenotho ongene lumhlangano ezimele uthi lumthetho uphinda usungule ingatsha ezitshiyeneyo lama Board acina esesenza umsebenzi ofanayo emanengi okuyinto emele ulungisiswe:
Umgcinisihlalo wali committee umnumzana David Chapfika wazise lumhlangano ukuba balalele okutshiyo nguzulu. Kodwa umnumzana Zvavanjanja uthi ama committee anje ahlala esitsho okufannayo kodwa ephenduke kwelakusasa elomthetho ungela nguquko ezifunwa nguzulu. UMoyo uthi okudingakalayo yikuba izisebenzi zilaulwe ngokufanayo:
Ethi inhlanganiso ezingama affiliate awe ZCTU ziphakathi kokuhlangana lezisebenzi ukuze zizwisise ngokugcweleyo udaba lwama zones ekhuthaza li committee ukuba ibambe imihlangano enje ngezikhathi izisebenzi zingekho emisebenzini ukuze lazo ziphatheke.
Uhulumende obheakne lodubo lokusilela kwemali uvame ukukweleda imali yokuquba imisebenzi eqakathekileyo elungisa njalo lendawo zama Special Economic Zones njengendlela yokuhuga osomabhizimusi bemazweni emizameni yokuthuthukisa ezomnotho.
Your browser doesn’t support HTML5
Udaba lwekhomidi ebona ngezemali edale lephalamende siluphiwa nguMark P. Nthambe