Ukunqoba kukaMnu Donald Trump kukhetho lukaMongameli weMelika sokuphehle umbuzo wokuthi kambe uzabuphatha njani ubudlelwano beMelika lamazwe omhlaba atshiyeneyo.
UTrump unqobe uNkosikazi Kamala Harris ngamavoti amanengi kukhetho oluqhutshwe ngoLwesibili.
Eze engene embusweni ngo2017, uTrump wesula inhlelo zeMelika ezitshiyeneyo zokubambisana lamanye amazwe esithi okwakuqakathekile kuye yikuthuthukisa ilizwe lakhe labantu balo.
Kodwa ekunqotshweni kwakhe nguMongameli Joe Biden ngo2020, uhulumende kaBiden welula isandla emazweni omhlaba, okugoqela awezwekazi leAfrica esithi ufuna ukugxilisa ubudlelwano.
Uthe ekhankasela ukhetho olusanda kwedlula uTrump uthembise ukuqeda impi ephakathi kweleRussia leleUkraine kanye leyeIsrael leHamas.
Umbuzo omkhulu ngothi uzakwenelisa yini lokhu, kanti njalo uzaqhubeka ngemizamo kaBiden yokuqinisa ubudlelwano bayo lamazwe eAfrica na? Ubudlelwano leMelika leZimbabwe bona buzaguquka na?
Sixoxe lohlaziya ezobusazwe uMnu Mthulisi Mathuthu.
Your browser doesn’t support HTML5
Ingxoxo loMnu Mthulisi Mathuthu