Sokulesikhathi eside uMnu. Jameson Timba labanye abakucele leCitizens Coalition for Change, uMnu. Jacob Ngarivhume labambalwa abaphikisayo bevalelwe eRemand Prison besetheswa amacala okwephula iziqondiso zomthetho weCriminal Law (Codification) and Reform Act.
UTimba lamalunga eCCC babotshwa ngoNtulikazi ngesikhathi bethakazelela usuku lweDay of the African Child, kwalandela uNgarivhume, uMnu. Amos Chibaya labanye okuthiwa batshotshozela udlakela ngesikhathi kulungiselelwa umhlangano weSADC Summit owaqhutshwa ngoNcwabakazi.
Ukuze sihlaziye udaba lolu, sixoxe loMnu. Nhlanhla Moses Ncube, unobhala jikelele wenhlanganiso yeFreedom Alliance, loMnu. Joseph Tshuma omele iPelandaba/Tshabalala edale lephalamende ekubandla leZanu PF.
UNcube uthi ibandla elibusayo lesaba uzulu ngakho-ke lincendezela abantu ukwenzela ukubethusela.
Kodwa-ke uTshuma uthe iZanu PF libandla elithakazelelwa nguzulu njalo labo abavalelwe eRemand Prison ngabacatshangelwa ukuthi bephula imithetho yelizwe.
SEE ALSO:
Ingxoxo Esiyenze LoMnu. Nhlanhla Moses Ncube loMnu. Joseph Tshuma