Lokhu kuphume emhlanganweni wokuthapha imibono kazulu ngokuphathelane lomthetho obunjwayo ojonge ukuguqula ukusebenza kwamabhizimusi eZimbabwe owenzelwe koBulawayo ngoLwesithathu.
Umhlangano lo uqoqwe yikomidi yedale lephalamende ebona ngezemithetho eye Justice Legal and Parliamentary Affairs ngenhloso yokuzwa imibono yabantu ngomthetho lo, osekubunjweni ngoba okhona usumdala kakhulu wabunjwa ngomnyaka ka1951 owe Companies Act. Omutsha owe Public Companies and Other Business Entities Bill uqale ukuqoqwa nyakenye kodwa awukadluli edale lephalamende.
Ilunga ledale lephalamende unkosikazi Priscilla Misihairambwi Mushonga uthe ibill le ikhangele ukuguqula umthetho omdala ukuze amakhampani asebenze kuhle.
Isakhamuzi sako Bulawayo uMnumzana Vusumuzi Chirwa usole indlela abephalamende abaqhuba ngayo imihlangano le le
Esinye isakhamuzi umnumzana Khulumani Ndlovu uthi umthetho lo awucaci ukuthi uvulela amathuba okusungula amabhizimusi eZimbabwe na, kumbe abavela phandle kwelizwe.
Umhlangano lo ubulabantu abalutshwana kakhulu njalo wenzelwe ehoteleni ephandle kwedolobho okudinga ukuthi uzulu agade kabili ukuthi ayefika khona.
Okunye okuza kwenziwa ngumthetho lo yikufaka amankani wonke abhalisayo egwalweni oluzahlala esigxingini seComputer (Electronic registry) kanye lokuchaza kabanzi umsebenzi wenkokheli zamankampani kanye lamaboard kanye lokuvikela amalungelo abantu abafake izimali emakhampanini lawo.
Your browser doesn’t support HTML5
Udaba lokusungulwa kwamabhizimusi koBulawayo siluphiwa nguBathabile Masuku