Izakhamizi zakoBulawayo zithi zilindele ngabomvu impumela yokudingisisa okwenziwa yinhlanganiso yamagqwetha eyeZimbabwe Lawyers for Human Rights, ngokuthi kufanele na? ukuthi ikhansili yalelidolobho iqhubekele phambili ngohlelo lokuthi amanzi abhadalelwe engakasetshenziswa olwe Pre-Paid Water Meters.
Ikhansili yathi izasungula loluhlelo eCowdray Park, lanxa izakhamizi kanye lenhlanganiso ezilwela ilungelo loluntu zafola kulelidolobho zitshengisela zisithi azilufuni loluhlelo ngoba inengi lingenelisi ukubhadalela amanzi ngaphambilini kokuwasebenzisa, okutsho ukuthi ilungelo labo lokuthi lifinyelele amanzi okusebenzisa ngesikhathi sonke liyabe lisephulwa.
Esinye seziphathamandla zenhlanganiso yeZimbabwe Lawyers for Human Rights uMnu. Lizwe Jamela uthi inhlanganiso yakhe isilobele ikhansili yakoBulawayo ugwalo lokuthi ichasise ukuthi isebenzisa yiphi imithetho eyivumela ukuqhuba loluhlelo.
Your browser doesn’t support HTML5
Udaba lwamaPrepaid Water meters koBulawayo