Iziphathamandla zikahulumende weZimbabwe zithi abantu abedlula inkulungwane ezingamatshumi amabili, 20 000 sebebhalise ukuthola amapassport, amabirth certificate lezithupha sekulokhu kwaqala uhlelo lokubhalisa amaphepha okusebenza okusemthethweni kwele South Africa. Kubikwa sokulabanye abahlala eZimbabwe asebesiyadinga amaphepha la kwele South Africa ngoba kulendwendwe ezesabekayo ekhaya.
Iziphathamandla zikahulumende wele South Africa zona zithi sekulabantu abangaba zinkulungwane ezilutshumi lantathu asebebhalise ukuthola incwadi zokusebenza lokuhlala okusemthethweni kwele South Africa. Lokhu kuphume emhlanganweni owenzwe ngolweSithathu eJohannesburg.
UChris Gande oweStudio 7 uxoxe lomgcinisihlalo wecele leMDC elikhokhelwa nguMnu. Morgan Tsvangirai kwele South Africa, uMnu. Austin Moyo ukuze sizwe okunengi ngomhlangano wangolweSithathu.