Abazancintisana kukhetho lokudinga umongameli weMelika umsekeli kamongameli uNkosikazi Kamala Harris omela ibandla leDemocratic Party lowayengumongameli uMnu Donald Trump owebandla leRepublican Party abakahlangani kodwa bayadonselana ngodaba lwemithetho ezalawula ingxoxo-mpikiswano yabo ekhangelelwe ukuqhutshwa mhlaka 10 kunyanga kaMpandula.
Ababili laba bathi bevumelana ukuphatheka kungxoxo-mpikiswano le, ezakhokhelwa yi-ABC News ePhiladelphia, babethe izalawulwa yimithetho efana leyayikhona kungxoxo-mpikiswano kaMnu Trump lomongameli Joe Biden eyaqhutshwa ngoNhlangula, lapho okwakuvalwa khona i-microphone nxa omunye ekhuluma.
Kodwa umkhankaso kaNkosikazi Harris usudinga ukuthi engavalwa ama-microphones.
Olandela ezombusazwe uMnu. Den Moyo uthi abezindaba abakhokhela lingxoxo-mpikiswano yibo abazacina sebethatha lesisinqumo.
SEE ALSO: Ingxoxo loMnu Den Moyo.