Umongameli webandla le Zimbabwe People’s Front, uOwen Kuchata ugwetshele ukuhlala entolongweni okweminyaka elitshumi lanye ngemva kokuvuma icala abeletheswa lokufuna ukubhomba ipulazi lemuli kaMongameli Mugabe, ele Alpha Omega Dairies.
UKuchata wabotshwa lamalunga ebandla lakhe amathathu athi uSolomon Makumbe, Silas Pfupa lo Borman Ngwenya abakubutho. Abathathu laba bayawalandula amacala abawetheswayonjalo bakhangelelwe ukusiwa emthethwandaba ngoLwesihlanu.
UKuchata waqala laye elandula amacala awetheswayo amabili elokufuna ukubhomba lelokususa imali elizweni okungekho emthethweni kodwa wacina ewavuma lawa macala.
Elokubhomba limtholise iminyaka eyithoba munwe munye kuthi elemali lona lamupha iminyaka emibili. Kodwa uKuchata uzapika okweminyaka eyithomba munwe munye.
Umtshutshisi omkhulu welizwe, uMnu. Johannes Tomana uke wabotshwa ngoba esetheswa icala lokukhulula ababili abetheswa lelicala, u Makumbe lo Pfupa. Ukuhlaziya loludaba sixoxe lengcwethi ecubungula ezombusazwe, uMnu. Rejoice Ngwenya othi loludaba lungani lulwezombusazwe phakathi.
UNgwenya uthi okumangalisayo yikuthi uKuchata wayelandula icala aletheswayo kodwa waphanga walivuma.
“Uyabona ukuthi kuminyaka eminengi edluleyo kwakuthiwa khona oTsvangirai labo Ncube babehlangane lama Israeli ukuthi bayenze lokhu lalokhu leyi singathi yi high profile case kwakuvele kumele ukuthi abantu bagcawale eHigh Court belalele kutshengisela ukuthi yinto yeqiniso,” kutsho uNgwenya.
Uthi nxa loludaba beluliqiniso ngabe abantu belulandele ukuthi luya ngaphi.
Your browser doesn’t support HTML5
Ingxoxo loMnu. Rejoice Ngwenya