Ikhomishini ebona ngezokhetho eye Zimbabwe Electoral Commission (ZEC) ithi yenelise ukubhalisa abantu abangephezu kwenkulungwane ngemva kokugqhitshwa kohlelo lwe Biometric Voter Registration mop up exercise ekuqaleni kukaNhlolanja.
Inani leli liphansi kakhulu ngenxa yomango osekumele uzulu awuhambe esiyabhalisa emahofisini aweZEC.
Inengi labantu likhala ngokuthi sOkumele ligade kabili ukuze liyebhalisa.
Inhlanganiso ezizimeleyo ezigoqela eyeVictory Siyanqoba kanye leBulawayo Vendors and Traders’ Association bezimanyene zaba lomdlalo wenguqu kanye Lowebhola labomama elokitshini leSizinda.
AbeZEC bebekhulumisana labasakhulayo bebakhuthaza ukuthi babhalisele ukuvota.
UDistrict Elections Officer, uNkosikazi Sthembiso Khuphe, uthe abasakhulayo koBulawayo yibo abanengi kodwa balutshwana kunani labantu asebebhalisele ukuvota. Ugcizelele wathi ngemva kokuvalwa kwemop up exercise inani labantu asebebhalisele ukuvota lingapphezu kwenkulungwane.
Uthe inani labantu bonke abazavotela koBulawayo ngemva kokwehlukaniswa kwabantu kukhitshwa labo abazavotela kwezinye indawo ezingaphandle kwakoBulawayo bangaphezu kwamakhulu amabili enkulungwane (211,468).
Umqoqi wohlelo lolu oliunga le BVTA, uMnu. Mbekezeli Hlabano uthe imidlalo le bayenzele ukukhuthaza ontanga ukuthi baye bhalisela ukuvota.
UMqoqi wenhlelo zeVictory Siyanqoba, uMnu. Sabelo Sihwa, uthe bajonge ukwazisa ontanga ukuthi ukubhalisela ukuvota akukavalwa.
Omunye wabasakhulayo obedlala umdlalo wenguqu uCharlton Vusa Moyo uthi uhlelo lolu lwenelise ukukhuthaza abatsha ukubhalisela ukuvota ethi njalo lithuba labo lokuphatheka enhlelweni zokwakha ilizwe.
Osakhulayo obedlala umdlalo wabo mama wokuqaga ibhola, uNkosikazi Nokuthaba Neshiri, laye uncome uhlelo lolu.
Ukhetho lukhangelelwe ukubakhona ngoNtulikazi kumbe ngoNcwabakazi njalo ukubhalisela ukuvota kuzamiswa ngemva kwamalanga alitshumi abafuna ukuvotelwa sebebhalisile edale lokubhalisa.
Your browser doesn’t support HTML5
Udaba Esilethulelwe NguBathule Masuku