Ibandla le MDC-T lithi selizabamba ngamandla amalunga ukuthi asayine isivumelwano sokuthi engasuka ebandleni engasebenzisi igama lophawu lwebandla.
Lokhu kubikwa kulandela ukuxexebuka kwamanye amalunga asuka legama lokuthi MDC.
Imbiko le ibikwa liphephandaba lebulenjini ele Southern Eye, yethulwe ngunobhala oqoqa ngenhlelo zebandla, uMnu. Abednico Bhebhe eSilobela ngempelasonto. UBhebhe ubikwa ethe lelinyathelo lizathathwa ngenynga ezayo.
Imizamo yokukhuluma loBhebhe yehlule ngoba umakhalekhukwini wakhe ubecitshiwe. Kodwa umsekeli wesikhulumeli sebandla leMDC-T, uNkosazana Thabitha Khumalo utshele iStudio Seven ukuthi lelinyathelo alikahlaziywa lidale elimqoka lebandla, iStanding Committee.
Your browser doesn’t support HTML5
Ingxoxo loNkosazana Thabitha Khumalo