Ngesikhathi owayengumongameli uMnu. Donald Trump ethatha intambo zombuso ngoZibandlela ngomnyaka ozayo, kulabosomabizimusi ababili abakhangelelwe ukuba bazakuba ngabacebisi bakhe, abazamcedisa ekuphunguleni indleko yemali kahulumende.
UMnu. Elon Musk, owenkampani yeSpax X lezinye, loMnu. Vivek Ramaswamy bazaphatha uhlangothi olungakethulwa okusemthethweni olubizwa ngokuthi yiDepartment of Government Efficiency.
Kukhangelelwe ukuba ababili laba bazanika uTrump amaqhinga okuphungula imali esetshenziswa nguhulumende ngokugumula ezinye izisebenzi njalo lokumanyanisa ezinye inhlangothi.
Abanye abalandela udaba lolu bathi kuzabanzima ukuba ababili laba benze santando ngoba imithetho ilungiswa edale leCongress. Kulabanye njalo abathi bazaphumelela kulokhu abakufisayo ngoba idale leHouse of Representatives leleSenate asezandleni zebandla lamaRepublicans ngakho-ke balakho ukupasisa yonke imithetho efunwa nguTrump, egoqela ukuphungula indleko zemali kahulumende.