Umphathintambo kahulumende weSouth Africa obona ngobudlelwano lamanye amazwe uNkosikazi Lindiwe Sisulu uthi uzahlangana labameli bezigodlo zamazwe aseAfrica kulelolizwe ukwenzela ukuhluza udaba lokukhethana ngemihlobo olwe xenophobia oluqhubekayo.
Ezinye izizalwane ze South Africa zibikwa zithwalise amagabha avuzayo abantu abavela kwamanye amazwe abagoqela abeZimbabwe abasebenza kulelolizwe, ikakhulu abatshayela imota ezinkulu ezama trucks.
Eminye imbiko ithi sebefuna lokuhlasela abanini bamabhizimusi, ikakhulu endaweni zemalokitshini lapho okuhlala abanengi. Umongameli Cyril Ramaphosa walelolizwe wethule umbiko esola kakhulu udlakela lwexenophobia esithi kalulunganga.
Inengi beselimchothozile lisithi uphehle udlakela lolu ngokuthi athi kuzadingwa osomabhizimusi abasebenza bengelancwadi ezisemthethweni bajeziswe.
Asizweni umongameli Ramaphosa exoxa ngaloludaba lomsakazo weUkhozi FM oweSouth Africa.
Your browser doesn’t support HTML5
Lalela uCyril Ramaphosa Exoxa Lomsakazo weUkhozi FM