Inhlanganiso ekhankasela ukuthula elizweni, iZimbabwe Peace Project ithi udlakela lukhanya soludlange ngamandla endaweni ezitshiyeneyo ezigoqela iMatabeleland North, iMatabeleland South, iBulawayo leMidlands.
Inhlanganiso le ithi indawo lezi bezilokuthula okuthile esikhathini esedluleyo. Kugwalo lwayo elwethule ngoLwesibili, iZPP ithe abasekeli beZanu PF yibo ababangela loludlakela.
IMashonaland East leHarare ngezinye zezigaba ezilodlakela olunengi.
IZPP ithi ukusungulwa komkhankaso wokwesulwa kwezijeziso zenotho libandla leZanu PF ngesinye sezizatho zokuqhela kwaloludlakela.
Ukuhlaziya loludaba sixhume ingcwethi ecubungula ezombusazwe uMnu Effie Dlela Ncube osole kakhulu okwenzakalayo lokhu.