Udlakela lokwethuselwa kwabantu, ikakhulu abasekeli be MDC ngabe Zanu PF luqhubekela phambili kungelamizamo yokulwenqabela ngabamandla akuhulumende womanayano. Lokhu kubikwe yinhlanganiso ye Zimbabwe Peace Project kumbe iZPP, ebuthelela inani lezehlakalo zodlakela elizweni. IZPP ithi abasekeli beZanu PF yibo abakhokhelayo ekwephuleni ilungelo loluntu ukwedlula abe MDC.
UChris Gane weStudio 7 uxoxe lolwela ilungelo likazulu, uMnumzana Peter Muchengeti othi udlakela luya luqhubekela phambili, ikakhulu ekuqhutshweni kohlelo lokubuthelela imbono kazulu ezangena ekulotshweni kwesisekelo sombuso esitsha.