Udaba lokuzibusa kwezabelo olwethulwe emthethwandaba wendaba zesisekelo sombuso, owe Constitutional Court ngomela i Lobengula edale lephalamende, uMnu. Samuel Sipepa Nkomo owebandla le MDC Renewal luzathethwa kumalanga amalutshwana alandelayo.
Lokhu kulandela ukungethulwa kwamaphepha aphikisa isicelo sika Nkomo sokuthi izabelo zizibuse njengalokhu okusesisekelweni sombuso welizwe esitsha. Loludaba belusemthethwandaba we Constitutional Court ngoLwesithathu.
Igqwetha elimela uNkomo nguMnu. Tendai Biti ongunobhala jikelele webandla le MDC Renewal Team. Umkhokheli wabehluli, uChief Justice Godfrey Chidyausiku unqume ukuba njengoba abamangalelwayo, oMnu. Ignatius Chombo, umphathintambo wezabelo loMnu. Emmerson Mnangagwa umphathintambo wezemithetho, kumele baphiwe ithuba lokwethula impikiso yabo.
UChris Gande weStudio Seven uxoxe loMnu. Nkomo ukuze sizwe okunengi ngaloludaba.
Your browser doesn’t support HTML5
Ingxoxo loMnu. Sam Siphepha Nkomo