Idale leZanu PF Politburo libumbe ikomidi ezakhangela udaba lukaMnumzana Dydimus Mutasa yena othi umhlangano webandla leli oweCongres owenziwe ngoMpalakazi nyakenye awenziwanga ngemfanelo, ngalokho impumela yawo kumele yesulwe.
Ikomidi le ebunjwe ngoLwesithathu ikhokhelwa ngumsekeli kamongameli, uMnu Phelekezela Mphoko. Amanye amalunga ayo abalisa uMnu Savior Kasukuwere, uMnu Patrick Chinamasa, uNkosikazi Grace Mugabe, Pupurayi Togarepi loMnu Kembo Mohadi.
UMutasa wetheswa icala lokweyisa lokuhlambaza ibandla ngemva kokuba ethe akusela mbuso okhululekileyo ebandleni leZanu PF. Wethule amazwi la esola ukususwa kwakhe labanye bakhe ezikhundleni besetheswa icala lokusekela owayengumsekeli kamongameli, uNkosikazi Joice Mujuru yena owetheswa icala lokuzama ukugenquma umbuso kamongameli Robert Mugabe.
Amalunga eZanu PF akucele likaMnangagwa afuna uMutasa axotshwe kokuphela kubandla leli.