Uwayengumkhokheli webandla leCCC uMnu. Nelson Chamisa uthi uhulumende kaMongameli Emmerson Mnangagwa ufuna ukumbulala.
UChamisa owethule umbiko lo enkundleni zokuxhumana eyeTwitter leye Facebook katshongo ukuthi uzakwenani ngakho.
Amapholisa athi uChamisa kabakabikeli udaba lolu. UChamisa othi lokhu ukuzwe ngabanye abezemvikela uthi bamthathela umanyano weMDC Alliance njalo okwamanje sebengene njengempehlane kubandla leCCC. Uthi sebefuna khonamanje ukumsusela amane amanqe.
Ibandla leZanu PF liyakuphika lokhu lisithi uChamisa ukhuluma amanga aluhlaza Tshoko.
UChamisa utshiye iCCC ngeviki ephelileyo esithi isebenzise uMnu. Sengezo Tshabangu ukuba iZanu PF uMnangagwa labanye bakhe belihluthune. Kusenjalo, amalunga ebandla le-CCC akudale lephalamende athi kasikafiki isikhathi sokulandela uMnu. Nelson Chamisa otshiye ibandla leli ngoLwesine.
Abanengi esikhulume labo namuhla bathe bamelele okuzaphuma emhlanganweni abazawuqhuba edale lephalamende ozabe ulkhokhelwa nguMnu. Clifford Hlatshwayo omele ophethe okwamanye isikhundla sika chief whip.
UHlatshwayo uthi bazathatha isinqumo esizakwethulelwe uzulu bengenza umhlangano wabo kunsukwana ezilandelayo.
Sixoxe ngodaba lolu loMnu. Descent Collins Bajila omele isigaba seEmakhandeni-Luveve edale lephalamende.
SEE ALSO:
Ingxox Esiyenze LoMnu. Discent Collisn BajilaSiphinde saxoxa ngodaba lolu loMnu. Sengezo Tshabangu lozithi ungunobhala jikelele weCCC othi kakezwa lutho ngamalunga ebandla leli akudale lephalamende abafuna ukulandela uChamisa.