WASHINGTON DC —
Osaphethe isikhundla sokuba ngumongameli welizwe uNkosikazi Joice Mujuru ukhuthaza uzulu weZimbabwe ukuthi amukele ngezandla zombili uhlelo lokuthuthukisa inotho yelizwe olwe Zimbabwe Agenda for Socio Economic Transformation, olukhanya lusolwa kakubi zinhlanganiso zezisebenzi, amabandla aphikisayo Kanye lengcwethi ezicubungula ezenotho. Unkosikazi Mujuru uthi uhlelo lweZIMASSET lulakho ukuhlenga elel Zimbabwe ebunzimeni elibheke labo kwezenotho nxa lungemukelwa ngokugcweleyo njalo lulandelwe.
Ekhuluma emngcwabeni wesiphathamandla sebutho leZimbabwe Natio9nal Army, uBrigadier General John Zingoni onikezwe inhlonipho yeqhawe lesizwe emathuneni eHeroes Acre lamhlanje uMujuru uthe umumo wenotho elizwe ulakho ukuthuthuka okungamangalisa umhlaba nxa amaZimbabawe engazinikela ngokugcweleyo ehlelweni lokuwuvuselela.
Abenhlanganiso yomanyano wenhlanganiso zezisebenzi eye Zimbabwe Congress of Trade Unions, amacele amabandla wonke awe MDC Kanye lengcwethi zezomnotho bayalusola kakubi uhlelo lweZimasset besithi alulakho okunengi okungavuselela umnotho welizwe osuguqe ngamadolo.
UMujuru, okhulume emele umongameli Robert Mugabe ongekho elizweni okwamanye ese Singapore ukuyakwelatshwa amehlo uthe isivuno esihle salonyaka emsebenzini wokulima kuyisibonelo esihle sokuthi umumo wenotho elizweni ulakho ukuthuthuka.
Isikhulumeli seZanu PF uMnumzana Rugare Gumbo ubike ukuba uMugabe, nguye onikeze inhlonipho kumuyi uZingoni eyeqhqwe lesizwe njalo ubekhangelelwe ukuphindela ekhaya namhlanje ekuseni kodwa ngesikhathi sisiya emoyeni ube lokhu engakafiki. UMugabe lomkakhe uGrace babonakale komunye umfanekiso wevideo befika kwesinye isibhedlela sakwele Singapore ophume emsakazweni wakwele Bhilithani owe Channel 4.
Ezinye ingcwethi zezenotho zethesa uhulumende weZanu PF umlandu wokukhokhela ekuphazanyisweni komsebenzi wokuthuthukisa inotho yelizwe ngendlela aphatha ngayo uhlelo lokwaba kutsha umhlabathi ngomnyaka ka2000 okuyinto elandulwa ngabeZanu PF besithi kwabangelwa yizijeziso zenotho ezethulelwa elezimbabwe ngamazwe athuthukileyo.
Esekhuluma ngomuyi umsekeli kamongameli uthe kuyadanisa okwamagama ukuthi inengi labantu abaphatheka empini yokukhulula eleZimbabwe selisifa mihla ngemihla.
Okhulume emele imhuli yakoZingoni umnumzana Kenny Zingoni, uthe imhuli yakhe ilahlekelwe kakhulu ngemfa yomnewabo. UBrigadier General Zingoni ubhubhe ngoLwesihlanu ngemva kokuhlaselwa ngumkhuhlane wenhliziyo.
UBrigadier General Zingoni wazalelwa koMapanzure eMasvingo ngomnyaka ka1954. Utshiye umsebenzi ngomnyaka ka1976 esesiya empini yenkululeko kwele Mozambique lapho afundele ezebutho ephansi kukasibalukhulu wamapholisa uCommissioner General Augustine Chihuri.
Ngemva kwempi yenkululeko uye wayalolonga ezebutho emazweni atshiyeneyo agoqela kwele Korea lakwele Nigeria. Ngemva kwalokho wangena kubutho leZimbabwe National Army lapho aphathe izikhundla ezehlukeneyo. Ngomnyaka ka2000, unikezwe isikhundla sokuba ngumqondisi wenhlelo zebutho enhlanganisweni yamazwe angezansi yeAfrica eye SADC esigodlweni sayo eKinshasa kwele Democratic Republic of Congo. Utshiye umkakhe uWadzanai labantwana abathathu.
Ekhuluma emngcwabeni wesiphathamandla sebutho leZimbabwe Natio9nal Army, uBrigadier General John Zingoni onikezwe inhlonipho yeqhawe lesizwe emathuneni eHeroes Acre lamhlanje uMujuru uthe umumo wenotho elizwe ulakho ukuthuthuka okungamangalisa umhlaba nxa amaZimbabawe engazinikela ngokugcweleyo ehlelweni lokuwuvuselela.
Abenhlanganiso yomanyano wenhlanganiso zezisebenzi eye Zimbabwe Congress of Trade Unions, amacele amabandla wonke awe MDC Kanye lengcwethi zezomnotho bayalusola kakubi uhlelo lweZimasset besithi alulakho okunengi okungavuselela umnotho welizwe osuguqe ngamadolo.
UMujuru, okhulume emele umongameli Robert Mugabe ongekho elizweni okwamanye ese Singapore ukuyakwelatshwa amehlo uthe isivuno esihle salonyaka emsebenzini wokulima kuyisibonelo esihle sokuthi umumo wenotho elizweni ulakho ukuthuthuka.
Isikhulumeli seZanu PF uMnumzana Rugare Gumbo ubike ukuba uMugabe, nguye onikeze inhlonipho kumuyi uZingoni eyeqhqwe lesizwe njalo ubekhangelelwe ukuphindela ekhaya namhlanje ekuseni kodwa ngesikhathi sisiya emoyeni ube lokhu engakafiki. UMugabe lomkakhe uGrace babonakale komunye umfanekiso wevideo befika kwesinye isibhedlela sakwele Singapore ophume emsakazweni wakwele Bhilithani owe Channel 4.
Ezinye ingcwethi zezenotho zethesa uhulumende weZanu PF umlandu wokukhokhela ekuphazanyisweni komsebenzi wokuthuthukisa inotho yelizwe ngendlela aphatha ngayo uhlelo lokwaba kutsha umhlabathi ngomnyaka ka2000 okuyinto elandulwa ngabeZanu PF besithi kwabangelwa yizijeziso zenotho ezethulelwa elezimbabwe ngamazwe athuthukileyo.
Esekhuluma ngomuyi umsekeli kamongameli uthe kuyadanisa okwamagama ukuthi inengi labantu abaphatheka empini yokukhulula eleZimbabwe selisifa mihla ngemihla.
Okhulume emele imhuli yakoZingoni umnumzana Kenny Zingoni, uthe imhuli yakhe ilahlekelwe kakhulu ngemfa yomnewabo. UBrigadier General Zingoni ubhubhe ngoLwesihlanu ngemva kokuhlaselwa ngumkhuhlane wenhliziyo.
UBrigadier General Zingoni wazalelwa koMapanzure eMasvingo ngomnyaka ka1954. Utshiye umsebenzi ngomnyaka ka1976 esesiya empini yenkululeko kwele Mozambique lapho afundele ezebutho ephansi kukasibalukhulu wamapholisa uCommissioner General Augustine Chihuri.
Ngemva kwempi yenkululeko uye wayalolonga ezebutho emazweni atshiyeneyo agoqela kwele Korea lakwele Nigeria. Ngemva kwalokho wangena kubutho leZimbabwe National Army lapho aphathe izikhundla ezehlukeneyo. Ngomnyaka ka2000, unikezwe isikhundla sokuba ngumqondisi wenhlelo zebutho enhlanganisweni yamazwe angezansi yeAfrica eye SADC esigodlweni sayo eKinshasa kwele Democratic Republic of Congo. Utshiye umkakhe uWadzanai labantwana abathathu.