Umsolwa obotshwe ngeviki ephelileyo esetheswa icala lokwelapha izigulane ezenza udokotela esibhedlela seMpilo kodwa yena engafundelanga lumsebenzi uMnu Taurau Prosper Vanhuvaone, ubotshiwe njalo ngoMvulo ngemva kokutholakala esibhedlela lesi.
Ekubotshweni kwakhe kuqala, uVanhuvaone, ozibiza njalo ngoProsper Mpofu wamiswa emthethwandaba wakhululwa ngemali yesibambiso i-bail.
Ukubotshwa kwakhe okwesibili esebuyelile eMpilo kwenzakala ngesikhathi amagqwetha eselobele isibhedlela lesi emele izakhamizi esithi abezempilakahle kumele bathathe amanyathelo okuvukela uzulu kubodokotela bamanga.
Isikhulumeli seBulawayo Progressive Residents Association uNkosikazi Permanent Ngoma, eyiyo ekhweze loludaba esibhedlela seMpilo imelwe ngamagqwetha eZimbabwe Lawyers for Human Rights uthi abahlali bakhathazekile kakhulu.
Your browser doesn’t support HTML5
Ingxoxo loNkosikazi Permanent Ngoma
Sixoxe njalo legqwetha elimela inhlanganiso le uNkosikazi Prisca Dube yena othi sezivamile izehlakalo zabodokotela bamanga ababotshelwa ezibhedlela beselapha izigulane, khona athi kufaka abantu engozini enkulu.
Your browser doesn’t support HTML5
Ingxoxo loNkosikazi Prisca Dube
Sehlulekile ukukhuluma lesikhulumeli samapholisa uMnu Paul Nyathi.