UMongameli weMelika uMnu Joe Biden ngoLwesine wesule izigwebo zabantu abayinkulungwane elengxenye, 1,500, abadala amacala amancane atshiyeneyo.
Abantu laba babotshwa ngesikhathi somkhuhlane weCovid-19 bapika basebekhululwa ukuthi bayeqedisela izigwebo zabo ngekhaya. UBiden uphinde waxolela njalo amacala abantu abangamatshumi phose amane, 39.
UMongameli Biden uthethe inyathelo elifanayo kunsukwana ezedluleyo ngokuxolela indodana yakhe uHunter, yena obeselinde ukugwetshwa ngemva kokufunyanwa elecala lokwehluleka ukuhlawula imithelo kanye lelokuthenga umbhobho ngaphandle komthetho.
Olandela ezombusazwe zeMelika uMnu Tim Muringai utshele iStudio 7 ukuthi okwenziwe nguBiden akumangalisi ngoba yinto enziwa nguye wonke uMongameli weMelika nxa esesuka esihlalweni.
Your browser doesn’t support HTML5
Ingxoxo loMnu Tim Muringai