UMongameli weMelika uMnu. Joe Biden uthi mhlaka 9 Zibandlela amawofisi wonke kahulumende azavalwa kukhalelwa owayengumongameli uJimmy Carter obhubhe ngeSonto eseleminyaka yokuzalwa elikhulu.
UBiden uthi usuku lolu olweNational Day of Mourning luzakuba lusuku lokuhlonipha umuyi. UCarter wakhokhela lelilizwe kusukela ngo 1977 kuyisa ku1981.
Ngesikhathi ekhokhela elemelika lalibhekane lendubo zomnotho kanye lokuthunjwa kwezizalwane zayo kweleIran. Loba isikhathi sobukhokheli bakhe sikhunjulwa ngendubo ezahlangana lelizwe, uCarter wabangomunye wabakhokheli beMelika abaphumelelayo kakhulu ngemva kokutshiya isikhundla sokuba ngumongameli.
Wabumba inhlanganiso yeCarter Center ngo1982, njalo wasebenza okweminyaka edlula amatshumi amane ekhuthaza umbuso wentando kazulu, ukuvikelwa kwamalungelo oluntu kanye lokunqatshelwa kwemikhuhlane emhlabeni wonke.
Ukuhlaziya loludaba sixoxa lesizalwane sezimbabwe esesihlala khonapha emelika uMnu. Tim Muringai.
SEE ALSO: Ingxoxo loMnu Tim Muringai.