UMongameli waseMelika uMnu Joe Biden ngoLwesithathu uhlangane lonqobe kukhetho lukaMongameli olusanda kwenziwa uMnu Donald Trump bekhulumisana ngokutshiyelana umbuso ngoZibandlela.
UBiden unxuse uTrump elandela umkhuba owenzakala eMelika sikhathi sonke lapho uMongameli esededela oyabe enqobe kukhetho.
Kodwa uTrump kazange akwenze lokhu ekunqotshweni kwakhe nguBiden ngomnyaka ka2017 ngoba wayekhala ngokuthi uqilibezelwe.
Kodwa oncintisane laye emele ibandla lamaDemocrats kukhetho oluqhutshwe ngeviki ephelileyo uNkosikazi Kamala Harris uvumile ukuthi unqotshiwe.
Olandela ezombusazwe uMnu Tim Muringai uthi uMongameli Biden uzama ukutshengisa uTrump ukuthi kufanele ukuthi umuntu avume nxa enqotshiwe.
Your browser doesn’t support HTML5
Ingxoxo loMnu Tim Muringai
Umhlangano kaTrump loBiden uza ngesikhathi uTrump eseqalisile ukubumba uhulumende wakhe phambilini kokuqala umsebenzi mhlaka20 ngoZibandlela.