Umthethwandaba weMichigan loweGeorgia izolo ilahleke khatshana isicelo somunye umsekeli kaMongameli Donald Trump esokuthi yesule impumela yokhetho kulezozabelo lapho uTrump anqotshwa khona nguMnu Joe Biden.
Abahluleli bathe akulabufakazi bokuthi kwaba lokuqilibezela kulolukhetho.
Sokukanengi uTrump labasekeli bakhe besehluleka ukusuthisa inkantolo ukuthi uBiden wadlelezela kukhetho lolu njengokutso kukaTrump.
Lokhu kwenzakala ngesikhathi uBiden eqhubeka ngokubumba uhulumende wakhe phambilini kokungena kwakhe esikhundleni mhlaka 20 ngoZibandlela.
Ezikhundleni ezitshiyeneyo usefake imihlobo yabantu exubeneyo egoqela abamhlophe, abansundu labesifazana.
Kepha ingcwethi kwezombusazwe uMnu Effie Dlela Ncube uthe lanxa lokhu kubukeka, uBiden kumele aqaphele ukutshiya abamhlophe phandle ngoba lokhu kungenza anqotshwe kukhetho luka2024.
Your browser doesn’t support HTML5