Umkhokheli weMDC-T usehlangene lenkokheli amazwe agoqela iGabon athi akumelanga kube lodlakela olufana lolwaqhamuka ngokhetho lomnyaka ka2008.
WASHINGTON —
Icele leMDC elikhokhelwa nguMnu. Morgan Tsvangirai lithi imihlangano eqhutshwe ngumkhokheli walo eGabon le Nigeria ngolweSine iphumelele ngoba eleGabon livumile ukuthi kufanele ibandla leZANU PF livume ukufeza izinqumo ezizandulela ukhetho olukhululekileyo ezavunyelwana kubunjwa uhulumende womanyano ngomnyaka ka 2009.
Ibandla leli lithi uhulumende we Gabon uthe akumelanga kube lodlakela olufana lolwaqhamuka ngokhetho lomnyaka ka2008.
UMnu. Tsvangirai, yena oselubhekise kwele Abidjan le Botswana uthi kusobala ibandla le ZANU PF lifuna ukuqilibezela kukhetho ngoba abantu abafuna ukubhalisela ukuvota okwakuqala babekelwa imigoqo engapheliyo ebanqabelayo.
Uhulumende weNamibia ulandule imbiko ethi walile ukuhlangana loTsvangirai esithi kwakuvele kungela mhlangano oqoqiweyo.
Ukuhlaziya loludaba, uSithandekile Mhlanga weStudio 7 uxoxe loMnu. Effie Dlela-Ncube, ingcwethi ecubungula ezombusazwe, yena othi uTsvangirai ngabe uya emazweni akumanyano weSADC okuyiwo angaletha inguquko.
Ibandla leli lithi uhulumende we Gabon uthe akumelanga kube lodlakela olufana lolwaqhamuka ngokhetho lomnyaka ka2008.
UMnu. Tsvangirai, yena oselubhekise kwele Abidjan le Botswana uthi kusobala ibandla le ZANU PF lifuna ukuqilibezela kukhetho ngoba abantu abafuna ukubhalisela ukuvota okwakuqala babekelwa imigoqo engapheliyo ebanqabelayo.
Uhulumende weNamibia ulandule imbiko ethi walile ukuhlangana loTsvangirai esithi kwakuvele kungela mhlangano oqoqiweyo.
Ukuhlaziya loludaba, uSithandekile Mhlanga weStudio 7 uxoxe loMnu. Effie Dlela-Ncube, ingcwethi ecubungula ezombusazwe, yena othi uTsvangirai ngabe uya emazweni akumanyano weSADC okuyiwo angaletha inguquko.
Your browser doesn’t support HTML5
Ingxoxo LoMnu. Effie-Dlela Ncube