Inhlanganiso yeThe Sentry ibika ukuba iForever Associates Zimbabwe eyakhankasela ibandla leZanu PF ngesikhathi sokhetho baphansi kwamapholisa ensitha aweCentral Intelligence Organization (CIO), isebenzisa imali okungekho emthethweni.
Uphenyo olusanda kwenziwa yiThe Sentry luveza ukuba umsekeli wamapholisa ensitha la, uMnu. Asher Walter Tapfumeneyi, nguye okhokhela iFovever Associates of Zimbabwe, eyancedisa ibandla leZanu PF ukuze kwethuselwe abavotayo ngesikhathi sokhetho.
Ithi iFAZ yasebenzisa imali efika izigidi ezine zamadollar – US$4 million okungaziwa ukuba yavela ngaphi. Eyinye imali le, inhlanganiso le, ithi yasetshenziswa ukuthenga izimota incedisana le-CIO labantu abadlelana lebandla elibusayo.
IThe Sentry ithi okwenziwa yiFAZ kwadala ukuthi kungaqhutshwa ukhetho olubalekileyo eZimbabwe. Umkhokheli weFAZ, uMnu. Kuda Munsanka uyakuphika lokhu. Kafisanga ukukhuluma ngokwethulwe yiThe Sentry. Kasenelisanga njalo ukukhuluma loTapfumaneyi labanye okuthiwa basebenza leFAZ.
UMnu. Joseph Tshuma okubandla leZanu PF uthi inhlanganiso le ikhuluma engakwaziyo.
SEE ALSO:
Ingxoxo Esiyenze loMnu. Joseph TshumaKodwa uMnu. Rejoice Ngwenya, okunhlanganiso yeCommon Market for Liberal Solutions, uthi iThe Sentry iyitshaye ekhaleni.