UMongameli Robert Mugabe ngoLwesihlanu uhlangane lomphathintambo obona ngendaba zezisebenzi uNkosikazi Mupfumira bedinga amaqhinga okwenqabela ukuxotshwa mahlayana kwezisebenzi okubangelwe yisinqumo seSupreme Court ngeviki edluleyo.
Umthethwandaba lo unqume ukuthi kusemthethweni ukuthi abaqatshi baxotshe izisebenzi njalo kungela mpetsheni, kusiya ngokuthi isikhwama senkampani simi njani.
Uhulumende uthi ulungiselela ukuguqula umthetho weLabor Act ukuze avikele izisebenzi.
Zibikwa zisedlula inkulugwane eyodwa izisebenzi esezixotshwe umsebenzi ngamankampani atshiyeneyo kulandela isinqumo seSupreme Court ngeviki edlulayo.
Amankampani la agoqela iEconet, iZimasco, iZimoco, lephephandaba leDaily News lona elibikwa lixotshe izisebenzi ezedlula amatshumi amabili ezigoqela intathelizindaba ezilitshumi lanye.
Enye yalezintatheli uLloyd Mbiba utshele iStudio 7 ukuthi ukuxotshwa kwakhe kummangalisile kakhulu ngoba ebeyisebenzela gadalala linkampani.
Your browser doesn’t support HTML5
Ingxox loMnu Lloyd Mbiba