Abancintisa kukhetho lukaMongameli weMelika ababalisa uMnu Donald Trump loNkosikazi kamala Harris bayaqhubeka ngemikhankaso yabo sokusele iviki nje kuphela ukuthi kuyevotwa.
UHarris uzakwenza umhlangano labasekeli bakhe eWashington DC ngoLwesibili kuthi uTrump yena uzakwenza owakhe lentathelizindaba eMara Lago, eFlorida, abesesiyakhankasa e.
UHarris uzakwenzela umhlangano wakhe lapho uTrump aqhubela khona umhlangano labasekeli bakhe abasuka lapho bayakwenza udlakela edale lePhalamende, iCongress, ngomnyaka ka2021 besala ukuthi uBiden angene embusweni ngemva kokunqoba uTrump.
Uphenyo luveza ukuthi ababili laba bangutshiki lobhanqa.
Ukhetho lukaMongameli lolu luzakwenziwa ngeviki ezayo ngoLwesibili ndawonye lolokudinga amalunga ePhalamende kanye lenkokheli yezabelo.
Ohlaziya ezombusazwe uMnu Mthulisi Mathuthu utshele iStudio 7 ukuthi ukhetho lolu lukhangelwe ngabantu emhlabeni wonke jikelele ngamehlo abomvu.
Your browser doesn’t support HTML5
Ingxoxo loMnu Mthulisi Mathuthu