Kuhlelo lwamasiko lenhlalakahle yabantu, ngoLwesibili besihlolisisa udaba lwabantu abanye babo abalemizi asebethoniswa zinduna amacala okuthi bathumezela ezinye izithandwa zabo izithombe ebulenjini bokuzilibazisa obeWhatsApp.
Ezinye izithombe lezi zitshengisa izitho zangensitha. Kambe induna zingena njani kukho konke lokhu? Amakhansila lawo athi udaba lolu ludidanisa ingqondo.
UNkosikazi Sheilla Musonda, ongukhansila edolobheni lakoBulawayo, loMnu. Thabani Khumalo ingcwethi kwezamasiko bathe lokhu kuyesabeka njengoba umzimba womuntu uligugu.
UMaNkomo uthe, “Ayisiyo lemhlolo lokhu yinkalakatha yecala. Akuvunyelwa … Akuqalwa loba umuntu engakufonela akhulume inhlamba athathe lokho akufake kuWhatsApp uyihambise emapholiseni kumbe emthethweni uyabotshwa lowo Muntu ofaka inhlamba le loba yibunqunu lobo.”
UKhumalo laye uthe leBhayibhilini akuvunyelwa lokhu njengoba ubunqunu buhloniphisa. “ … EBhayibhili sebezibona sebenqunu (uAdam lo Eve) bazama ukucatshela umlimu yena ongacatshelekiyo. Abantu basithatha ngaphi isibindi sokuthi baveze lobobunqunu.”
UMaNkomo ugcizelele esithi kudala abantu babetshaya okwakubizwa ngokuthi ‘yitshaps’ eyeyingela kwembula izigqoko okwakungeyinye indlela yokugqoma abesifazana.
Your browser doesn’t support HTML5
Ingxoxo Esiyenze loNkosikazi Sheilla Musonda LoMnu. Thulani Khumalo