Amakhansila eZIFA asepasise umthetho wokuthi wonke ofuna ukuba ngumgcinisihlalo wenhlanganiso le abengumuntu owapasa i-Ordinary Level eZimbabwe.
Lokhu kwenziwe ngoLwesihlanu eHarare emhlanganweni omkhulu weZIFA, amakhansili enganganiso le kanye leziphathamandla zeFIFA.
Abangene umhlangano lo bathi ongaphutshanga izifundo ze’O’ Level kumele kube ngumuntu owenza olunye uhlelo lwezifundo zenguqu kumbe okunye okuhambelana lohukhokhela inhlanganiso ezitshiyeneyo.
Kubikwa ukuba kulabantu abanengi abagoqela uProphet Walter Magaya, uPeter Ndlovu, uGift Banda labanye abakhangelelwe ukuba bazancintisa kukhetho lweZIFA oluzaqhutshwa ekuqaleni komnyaka ozayo.
Sixoxe ngodaba lolu lengcwethi kwezomdlalo wenguqu uMuziwethu Hadebe othi kuyamangalisa okwenziwe ngamakhansila la loba imithetho emitsha ilakho ukunceda ekukhokheleni iZIFA.
SEE ALSO:
Ingxoxo Esiyenze loMuziwethu Hadebe