Sokulungiselelwa ukufihlwa kwenduna, uVezi Maduna Mafu, olensukwana etshonile.
Isikhulumeli somdeni wako Mafu, uMnu. Zwelithini Dlamini, uthi basamelele izihlobo labangane ukuba bafike koGodlwayo emzini wenduna kazulu.
UDlamini uthi induna izabekwa kulandelwa amasiko esintu. Kukhangelelwe ukuthi abantu abanengi bazavalelisa induna uMafu, owaziya kakhulu ngokulwela abantu kusukela ngesikhathi sempi yenkululeko.
Waziwa njalo ngokuchothoza uhulumende weZimbabwe ngombhuqazwe weGukurahundi. UDlamini uthi sokulabanye abantu emhlubulweni wesabelo seMatabeleland South abacela ukuba uMafu aphiwe isicoco seqhawe lelizwe.
Uthi abantu balahlekelwa kakhulu yikutshona kwenduna uMafu.
Your browser doesn’t support HTML5
Ingxoxo Esiyenze LoMnu. Zwelithini Dlamini