Sokufike iminyaka eyisikhombisa umuyi uMnu Robert Mugabe egenqulwe embusweni libutho, njalo abantu abanengi bekhala ngokuthi uMongameli Emmerson Mnangagwa ubusa ngochuku ukwedlula uMugabe.
UMugabe wagenqula libutho ngoLwezi, ngomnyaka ka2017.
Ngosuku lwanamuhla ngalowo mnyaka abantu baphuma ngobunengi bagcwele ezitaladeni zeHarare lakwamanye amadolobho besekela ibutho, lona elalisithi uMugabe kasabusi kuhle kanti njalo wayesegonjolozelwe yizigebengu.
Ukususwa kwakhe kwakhokhelela ekungeneni kukaMnangagwa embusweni, yena owathembisa abantu umbuso okhululekileyo.
Kodwa Ilunga leCCC uMnu Swithern Chiroodza uthi uMongameli Mnangagwa ubusa ngochuku esebenzisa amasotsha ukuhlukuluza abantu.
Your browser doesn’t support HTML5
Ingxoxo loMnu Swithern Chiroodza
Kodwa uMnu Joseph Tshuma, ilunga leZanu PF njalo omela isigaba sePelandaba-Tshabalala edale lePhalamende ukulandule lokhu esithi uMnangagwa ungumbusi omuhle osegcwalise izifiso zabantu ezinengi.
Your browser doesn’t support HTML5
Ingxoxo loMnu Joseph Tshuma