Kuhlelo lwamasiko lenhlalakahle kazulu, ngoLwesibili sixoxe ngabesilisa abakhonona ngokuthi bahlukuluzwa ngabesifazane ikakhulu labo abahlala labo ezindlini.
Kulabesilisa abafika inkulungwane lamatshumi amane – 1,414 ababikela umthethwandaba lonyaka ukuthi bahlukuluzwa ngamakhosikazi abo.
Kambe kwenzakalani ezindlini lapho abesilisa abathi bahlukuluzwa ngamakhosikazi?
Ukuze sihlaziye udaba lolu iStudio 7 ixhume uNkosikazi Mposeng Sibanda ohlala eNkayi esabelweni seMatabeleland North loMnu. Thandeko Zinti Mnkandla, ingcwethi kwezamasiko.
UNkosikazi Sibanda uthe kuyenzakala ukuthi abesifazane bahluphane labesilisa ezindlini.
Uthi akumelanga abantu bakhahlamezane ezindlini.
UMnu. Mnkandla uphinde wathi bakhona abesifazane abalwisana labomkabo okwenza ukuthi imizi ichitheke.
"Akumelanga abantu bahluphane. Konke okuhluphayo kumele kulungiswe."