Uhulumende uthi uzanika imali izihlobo zabantu ababulawa ngamasotsha nyakenye kusanda kwenziwa ukhetho.
Lokhu kwethulwe kuphephandaba leSunday Mail ngeSonto ngunobhala wohlangothi lwezemithetho uNkosikazi Virginia Mabhiza.
Uthe lokhu ngokunye okwenziwa nguhulumende okokugcwalisa okwethulwa yikhomishini eyayikhokhelwa nguMnu. Kgaleme Motlanthe eyahlolisisa ukudutshulwa kwabantu ababefuna ukuthi iZimbabwe Electoral Commission iveze impumelo yokhetho lukamongameli.
Uhulumende kavezanga ukuthi uzayithola ngaphi imali yokuhlawula abantu laba abayisithupha njengoba ebhekane lenhlupho ezinengi elizweni.
Kasenelisanga ukukhuluma ngodaba lolu leziphathamandla zikahulumende kaMongameli Emmerson Mnangagwa.
Ukuze sihlaziya udaba lolu, sixhume uMnu. Thabang Nare, ingcwethi kwezombusazwe, othi kuyamangalisa ukuthi uhulumende ufuna ukuhlawula imali le kulomona omangalisayo owenziwa libutho kusukela iZimbabwe ithola uzibuse.
Your browser doesn’t support HTML5
Uhulumende Ufuna Ukuhlawula Ababulawa Libutho Nyakenye