Kubhubhe abantu abathathu ngeCovid-19 eZimbabwe ngoLwesine njalo kwatholakala abedlula inkulungwane ezinhlanu, 5,189, belomkhuhlane lo.
Lokhu kukhuphule inani lasebebulewe yi-coronavirus kulelilizwe laya kunkulungwane ezine ezilamakhulu edlula ayisikhombisa, 4,723.
Abaphethwe yilumkhuhlane sikhuluma nje bakhwele baya kunkulungwane ezedlula amatshumi amabili, 21,958.
Abahlatshwe ijekiseni yakuqala yokuvikela lumkhuhlane bedlula inkulungwane ezilitshumi lasithupha, 16, 248, kubike ugatsha lwezempilakahle.
Abahlatshwe eyesibili baphezu kwenkulungwane ezingamatshumi amabili, 20,216.
Umkhuhlane lo uqhubeka umemetheka ngamandla njalo usuhlasele ezikolo ezedlula ikhulu.
Isikolo seSt Christopher’s Primary School edolobheni leGwanda, sona sivaliwe ngemva kokutholakala kwabafundi abakuGrade 7 abangamatshumi phose amathathu belomkhuhlane lo, kubike intathelizindaba yeStudio 7 uAlbert Ncube.
Your browser doesn’t support HTML5
Udaba Siluphiwa nguAlbert Ncube