Ibandla lePeople’s Democratic Party (PDP) lithi ukulwisana kwamalunga eZanu PF yinto enhle kakhulu kuzulu weZimbabwe lakumabandla aphikisayo.
Abalwayo laba ngabecele elisekela uMnu Emmerson Mnangagwa abazibiza ngokuthi yiTeam Lacoste lecele elithiwa yiG40 elisekela uNkosikazi Grace Mugabe.
Abasekela uMnangagwa bathi bafuna abe nguye othatha intambo zombosu nxa uMongameli Mugabe ethe wasuka embusweni, kodwa abeG40 abavumelani lalokhu.
Umsekeli kamkhokheli wePDP uMnu Sam Sipepa Nkomo utshele iStudio 7 ukuthi ukudlephala lokhu kwenza ibandla leZanu PF libe mdambiyana njalo linqobeke kalula kukhetho.
Ngalokho, uMnu Nkomo uthi kuyadingakala ukuthi abamabandla aphikisayo babumwe umanyano oqinileyo ozakwenelisa ukusisa iZanu PF kukhetho luka2018.
Your browser doesn’t support HTML5
Ingxoxo loMnu Sam Sipepa Nkomo