Uhulumende uthi isivuno esitholakale lonyaka sihle kakhulu njalo sizaqhuba ilizwe umnyaka uze uyephutsha.
Uthi isivuno lesi sikhwele ngesilinganiso sokungamatshumi ayisificaminwe mibili lambili ekhulwini, 82 percent nxa kuqathaniswa lanyakenye.
Ugatsha olubona ngezokulima luthi isivuno salonyaka sikhwele saya kumathani ayisigidi lamatshumi edlula amane, 1,46 million metric tonnes, sisuka kumathani angaphansi kancane kwesigidi nyakenye i-798,596 metric tonnes.
Uhulumende uthi lokhu ngokwakuqala phakathi kweminyaka engamatshumi elitshumi lane ukuthi kutholakale isivuno esingaka.
Lanxa lokhu kuyinto ethakazelelwa ngabanengi, zikhona ezinye izigaba zelizwe ezibhekane lendlala ikakhulu eziseMatabeleland.
Ukuhlaziya loludaba sixhume ingcwethi kwezokulima uMnu Mandla Nkomo yena othi lanxa isivuno lesi sanele, kudingakala okunye ukudla okungafika ingxenye yesigidi okokufida izifuyo.