Inhlanganiso ebona ngezokhetho olukhululekileyo eye Zimbabwe Election Support Network ithi ilokukhathazeka ngokuqhubeka kokusetshenziswa kwengwalo zama voter’s slips okungabe kuyisibonelo sokuthi uluhlu lwabavoti olwe voter’s roll lokhu lungamanga kuhle.
Lokhu kulandela ukhetho olwenzwe ngoLwsihlanu ezigabeni ezimbili eMount Darwin le Chirumhanzi-Zibagwe lapho okube lezikhala ngenxa yokuxotshwa kukaNkosikazi Joice Mujuru lokuqansa okwenziwa nguMnu. Emmerson Mnangagwa osengumsekeli kamongameli.
EMount Darwin uMnu. Bornwell Seremwe owe Zanu PF uthole amavoti inkulungwane ezedlula itshumi lathoba minwe mbili-18 315 kuthi uMnu. Kennard Fungai owebandla le Transform Zimbabwe uthole angamakhulu amathathu-302 , uMnu. Rueben Matigu owe NCA yena wathola edlula kancane angamakhulu amabili, 216.
E Chirumhanzu-Zibagwe umka Mnu. Mnangagwa, u Auxillia, uthole inkulungwane ezilitshumi lasikhombisa, 16 092 kuthi obemele ibandla le NCA uMnu. Munashe Mutodza uthole amavoti aphansi kwekhulu, 70. UMnu. Gadzamoyo Dehwa owebandla le Good People’s Movment wathola amavoti angu 86.
Obencintisa ezimele, uMnu. Chawaona Gilbert Kanoti uthole amavoti angamakhulu amabili, 257 kukhetho olungangenwanga ngamacele womabili eMDC.
IZESN isole njalo ukungavoti kwabantu abanengi.
UMongameli webandla leNCA, uMnu. Lovemore Madhuku uthe lanxa benqotshwe kabuhlungu kukhetho lolu ujabule ngempumela ngoba ukhetho lubaphe ixesha lokubona abangakwenza kwelakusasa.
UChris Gande weStudio Seven uxoxe lesikhulumeli se Transfrom Zimbabwe, uMnu. David Rodi othi lolukhetho belungakhululekanga.
Inhlanganiso ebona ngezokhetho olukhululekileyo eye Zimbabwe Election Support Network ithi ilokukhathazeka ngokuqhubeka kokusetshenziswa kwengwalo zama voter’s slips okungabe kuyisibonelo sokuthi uluhlu lwabavoti olwe voter’s roll lokhu lungamanga kuhle.
Lokhu kulandela ukhetho olwenzwe ngoLwsihlanu ezigabeni ezimbili eMount Darwin le Chirumhanzi-Zibagwe lapho okube lezikhala ngenxa yokuxotshwa kukaNkosikazi Joice Mujuru lokuqansa okwenziwa nguMnu. Emmerson Mnangagwa osengumsekeli kamongameli.
EMount Darwin uMnu. Bornwell Seremwe owe Zanu PF uthole amavoti inkulungwane ezedlula itshumi lathoba minwe mbili-18 315 kuthi uMnu. Kennard Fungai owebandla le Transform Zimbabwe uthole angamakhulu amathathu-302 , uMnu. Rueben Matigu owe NCA yena wathola edlula kancane angamakhulu amabili, 216.
E Chirumhanzu-Zibagwe umka Mnu. Mnangagwa, u Auxillia, uthole inkulungwane ezilitshumi lasikhombisa, 16 092 kuthi obemele ibandla le NCA uMnu. Munashe Mutodza uthole amavoti aphansi kwekhulu, 70. UMnu. Gadzamoyo Dehwa owebandla le Good People’s Movment wathola amavoti angu 86.
Obencintisa ezimele, uMnu. Chawaona Gilbert Kanoti uthole amavoti angamakhulu amabili, 257 kukhetho olungangenwanga ngamacele womabili eMDC.
IZESN isole njalo ukungavoti kwabantu abanengi.
UMongameli webandla leNCA, uMnu. Lovemore Madhuku uthe lanxa benqotshwe kabuhlungu kukhetho lolu ujabule ngempumela ngoba ukhetho lubaphe ixesha lokubona abangakwenza kwelakusasa.
UChris Gande weStudio Seven uxoxe lesikhulumeli se Transfrom Zimbabwe, uMnu. David Rodi othi lolukhetho belungakhululekanga.
Kusenjalo, isiphathamandla sebandla leZANU PF uMnu. Saviour Kasukuwere ube koBulawayo izolo lapho akhuthaze ibandla lakhe ukuthi lidinge abantu abalohlonzi abazancintisa kukhetho oluzayo olokudinga abazamela I Pelandaba-Mpopoma, Luveve, Pumula, Lobengula, leMakokoba edale lephalamende.
UMnu. Kasukuwere uthe kusobala ukuthi ibandla lakhe linganqoba koBulawayo ngoba kweza abantu abanengi emhlanganweni kankosikazi kamongameli uGrace Mugabe ngomnyaka odluleyo kanye lokamongameli Mugabe ngowakhe ngomnyaka ka 2013.
UMnu. Joseph Tshuma owancintisa kukhetho lokudinga ozamela iPelandaba-Mpopoma kukhetho olwedluleyo njalo elilunga lecentral khomithi yebandla le ZANU PF, uthi ulethemba lokuthi ibandla lakhe lizanqoba lanxa awe MDC engancintisi.