Indlala ibikwa idlondlobala ngamandla elizweni njalo uzulu uthi sephelelwe yizifuyo, okugoqela inkomo, imbuzi lamadonki wona angavamanga ukubulawa yindlala.
Amadamu amanengi kaselamanzi, okwenza izifuyo zibanjelwe edakweni nxa zizama ukufinyelela amalutshwana akhona, kubika izakhamizi.
Izigaba ezihlaselwe kakhulu yindlala zigoqela iMatabeleland North, Matabeleland South, iMidlands, iMasvingo leManicaland.
Abanye, abagoqela uNkosikazi Mavis Sibanda, ohlala eDombodema, bathi izibaya zilakho ukuvalwa nxa izulu lingasananga ngokuphangisa kwaba lamanzi lamadlelo.
"Umumo eDombodema mubi kakhulu, ikakhulu ezifuyweni. Izifuyo azisela lapha ezinatha khona," kutsho uNkosikazi Sibanda.
"Amadamu ethu atshile wonke, inkomo seziphelile ngokufela phakathi zizama ukunatha."
Your browser doesn’t support HTML5
Ingxoxo loNkosikazi Mavis Sibanda
Amazwi kaNkosikazi Sibanda agcizelelwe yisakhamuzi seSilobela uMnu Phathisani Sibanda yena othi labantu labo sebesidla imbuya ngoluthi.
"Abantu sebekhangele phezulu badinwa, izulu kalikho. Izifuyo kulapho ebesithembele khona manje lazo seziphelile," kuchasise uMnu Sibanda.
Your browser doesn’t support HTML5
Ingxoxo loMnu Phathisani Sibanda