Izakhamizi ezihlala ezigabeni ezitshiyeneyo zePlumtree zithi sezithwele nzima ngendlala njalo zithi uhulumende kanye lenhlanganiso ezizimeleyo kumele bephuthume ngosizo lokudla.
Abantu abedlula izigidi eziyisikhombisa, 7.7 million bahlaselwe yindlala eZimbabwe futhi inengi labo lihlala emaphandleni.
Umphathintambo obona ngenhlelo zokusiza abaswelayo uMnu July Moyo utshele iStudio 7 ngoLwesibili ukuthi uhulumende uzaqala maduze ukupha abalambayo ukudla kuma-ward wonke emaphandleni azinkulungwane phose ezimbili, 1,630 wards.
Inhlanganiso yeUNICEF ngoMvulo icele i-US$84.9 million yokudingela abesifazana labantwana ukudla.
Umanyano weUnited Nations lawo usanda kucela i-US$429 million yokuphandela abalambayo bemaphandleni eZimbabwe abedlula izigidi ezintathu, 3,1 million.
UMongameli Emmerson Mnangagwa yena uthi kudingakala imali engangeUS$2 billion yokulwisana lendlala eZimbabwe.
Isakhamuzi sakoMbimba, ePlumtree, njalo engumhlabeleli olodumo uMnu Moki Ncube utshele iStudio 7 ukuthu usizo lokudla luyadingakala ngokuphangisa kulumango ngoba umangoye eselala eziko.
Uthi abantu abanengi abaselakho ukudla ngitsho lokokupha izifuyo ezigoqela ezihlala ngekhaya ezifana lezinja lenkukhu.
Your browser doesn’t support HTML5
Ingxoxo loMnu Moki Ncube