Inhlanganiso ephathisa abalambayo ngokudla emhlabeni jikelele eyeWorld Food Program (WFP) ithi solufike emaphathelweni uhlelo lwayo lokwabela abantu ukudla eZimbabwe ezigabeni ezine ezibalisa eMangwe, Buhera, Chivi laseMwenezi.
Lanxa lokhu kuyinto ebivele ihleliwe njengakuyo yonke iminyaka yendlala, abanye kulezizigaba bakhala ngokuthi akulalapho abazaphephela khona nxa iWFP ingasabaphi ukudla.
Kodwa linhlanganiso ithi izaqhubeka isebenza lohulumende kunhlelo zokuphathisa abalambayo lanxa ingakacaci ukuthi izaqala nini njalo ukwaba ukudla.
UMongameli Emmerson Mnangagwa wazise ngoLwesithathu ukuthi eleZimbabwe lidinga imali engangeUS$2 billion yokuphandela abalambayo.
Kusenjalo, abafuyi endaweni ezinengi zeZimbabwe bakhala ngokuthi bazafelwa zinkomo ngobunengi lonyaka ngoba akuselamadlelo lamanzi.
Kambe kuyini abangakwenza? Sixoxe lengcwethi kwezokulima uMnu Mandla Nkomo.
Your browser doesn’t support HTML5
Ingxoxo loMnu Mandla Nkomo