Abazali bezifundi zemaphandleni bathi bakhathazekile ngempilakahle yabantwababo ngoba inengi lezikolo kulesi isabelo zingelamanzi, okulakho ukudala ukumemetheka komkhuhlane weCOVID 19 zingavulwa.
Abafundi esixoxe labo bathi sebefisa ukubuyela ezikolo ngoba ukuhlala emakhaya kuphazamisa ikusasa yabo.
Omunye walababafundi uLindi Sibanda uthi abanye bakhe abasoze babuyele esikolo ngenxa yesikhathi eside abasithethe behlezi emakhaya.
UMnu. Arnold Mangena odabuka kuWard 5 koBeula eMatobo uthi ukhathazekile ngokuvalwa kwezikolo.
UMnu. Luka Ncube ongumzali laye engoweBeula uthi akukho okwenziwayo ezikolo ukuze abafundi bavikeleke emkhuhlaneni weCovid 19.
Amazwi la asekelwe nguMnu Denis Moyo oweNyandeni eGwanda South othi kuseselomsebenzi omkhulu okufanele wenziwe ezikolo phambilini kokuthi zivulwe.
UMnu. Lovemore Ncube oweMatobo uthi inengi lezikolo zakibo lisizwa yizizalwane zakuleli eziphetsheya kwelizwe ngemithi yokuhlanza izandla amasanitiser.
Umqondisi wenhlanganiso yababalisi eyeProgressive Teachers Union of Zimbabwe eZansi yemaNdebeleni uMnu. Urgent Moyo uthi kunengi okufanele kwenziwe andubana izikolo zivulwe.
Kodwa isikhulumeli sogatsha lwezemfundo eyaphansi uMnu. Taungana Ndoro utshele lumsakazo ukuthi sebegebhe izikotsho ezikolo balungisisa ezinye eziyinkulungwane ukuze abafundi bavikeleke emkhuhlaneni weCovid 19 lapho besesikolo.
Your browser doesn’t support HTML5
UAlbert Ncube Uyalandisa