Isidumbu sikamuyi uGeorge H. W. Bush namuhla besise National Cathedral eWashington DC lapho avaleliswe khona yiziphathamandla zikahulumende, izihlobo labangane.
Abafundisi bakhulekele uBush owayengumongameli wakwele Melika kwathi abanye abantu bancoma okumangalisayo imisebenzi yakhe ngesikhathi engumongameli kusukela ngomnyaka ka1989 kusiyafika umnyaka ka1993.
Kungakenziwa lokhu, isidumbu sikaBush besise Capitol Rotunda eWashington lapho abantu abamvalelise khona.
Abanengi bathi uBush wayeyindoda ehloniphekayo njalo eyayikhathalela uzulu. UMnu. Mike Pence, umsekeli kamongameli, uthi uBush wayesenza imisebenzi ebukekayo.
UBush uzangcwatshwa eTexas lapho okukhangelelwe ukuthi kuzabe kulabantu abambalwa abagoqela umdeni wakhe. Ele Zimbabwe limkhumbula ngani uBush? Ukuze sizwe ngalokhu, sixoxe loMnu. Thandeko Zinti Mnkandla, ingcwethi kwezombusazwe, othi uBusu umkhumbuza impi ilizwe lakhe elayilwa kwele Kuwait elehlaselwa lilizwe leIraq.
Your browser doesn’t support HTML5
Uzulu Uvalelisa uGeorge H. W. Bush Owayengumongameli Welizwe leMelika