Elinye lamaphephandaba azimeleyo elizweni eleThe Zimbabwean licine ukudinda ngoLwesithathu ngenxa yokuswela imali.
Iphephandaba leli lisungulwe nguMnu. Wilf Mbanga ngo2005 laqalisa lidinda lise United kingdom, lazodinda njalo likwele South Africa lingakaphiwa imvumo yokudinda eZimbabwe.
Embikweni awethule namuhla, uMbanga ubonge kakhulu abantu ekade besekela iphephandaba leli ngemali, ekade belisebenzela kanje lababali balo. Iphepha leli belidinda kanye ngeviki.
Ngo2008, kulemota enkulu eyayithwele eyayithwele amaphephandaba eThe Zimbabwean edlula 60,000 eyatshiswa ngabantu abanakanelwa ukuthi basekela ibandla leZanu PF.
UMnu. Mbanga uthe bebesipha inkulungwane lenkulungwane zabantu bemaphandleni leli phepha kungelambadalo.
Uthi lanxa sebengasadindi, bazaqhubeka bekhipha izindaba ngeZimbabwe ebulenjini. Sixoxe lentatheli yaleliphephandaba uMxolisi Ncube.