Ibandla lePeople First selisayine ugwalo lwamabandla aphikisayo olukhuthaza inguquko kundlela uhulumende aqhuba ngayo ukhetho ukuze kungabi khona ukuqilibezela kukhetho luka2018.
Ibandla leli likhokhelwa ngoxotshwe kubandla leZanu PF kanye lasesikhundleni sokuba ngumsekeli kaMongameli welizwe uNkosikazi Joyce Mujuru.
Amanye abamabandla asayine lolugwalo kumaviki edluleyo agoqela eleMDC-T, iAfrican Democratic Party, iTransform Zimbabwe lamanye.
Ingcwethi kwezombusazse zithi inyathelo leli lilakho ukukhokhelela ekumanyaneni kwamabandla aphikisayo amanengi ukuze angene kukhetho ebambene.
Umbuzo omkhulu ngothi “kambe uNkosikazi Mujuru ulakho na ukubambana lomkhokheli weMDC-T uMnu Morgan Tsvangirai?”
Isiphathamandla sePeople First uMnu Max Mkandla utshele iStudio 7 ukuthi ukubambana kwamabandla kuqakathekile kakhulu ukuze enelise ukususa iZanu PF embusweni.
UMnu Mnkandla uthi njalo bakubone kubalulekile ukuthi basayine ugwalo lwenguquko kwezokhetho ngoba imbali yokhetho okubeka sobala ukuthi ibandla leZanu PF lihlezi liqilibezela.
Kodwa isiphathamandla sePeople’s Democratic Party uMnu Sengezo Tshabangu uthI lanxa kulesidingo sokubambana, amabandla aphikisayo kumele abe lenjongo inye kuqala.
Your browser doesn’t support HTML5
Ingxoxo loMnu Max Mnkandla loMnu Sengezo Tshabangu