Sekumiswe ukuphiwa kwezicoco ekolitshini leColumbia University kwele Melika kulandela ukutshengisela okwenziwa ngabafisa ukuba kumiswe impi ephakathi kwele Israel leHamas.
Abezindaba abeReuters babika ukuba bekumele izifundi ezinye zithole izicoco zokuphutsha izifundo namuhla kodwa lokhu kumiswe ngabaphathi bekolitshi abathe kulengozi yokuba kuzaqhamuka udlakela ngesikhathi kusenziwa lokhu.
Ekolitshini leMichigan University kulezifundi ezitshengisele kusakhiwo obekuphiwa khona abanye babo izicoco zokuphutsha izifundo. Kuqhubekela phambili ukutshengisela okwenziwa yizifundi njalo lalabo abasekela eleIsrael sebetshengisela.
Ilizwe leli selibulele abantu abafika phose inkulungwane ezingamatshumi lanhlanu zabantu – 34,900 eGaza selokhu kwaqhamuka impi le nyakenye.
Ukuze sihlaziye udaba lolu, sixoxe loMnu. Washington Jamela, odabuka eZimbabwe ohlala eChicago, othi okwenzakala emakolitshini kuveza ukuba abantu abenengi bafuna kumiswe impi ephakathi kwele Israel leHamas.
SEE ALSO:
Ingxoxo Esiyenze loMnu. Washington Jamela