Umthethwandaba weNomination Court koBulawayo ngoLwesihlanu wamukele amabizo abantu abazancintisa kukhetho lokudinga ummeli weNkulumane edale lephalamende mhlaka 19 ngoMpalakazi.
Ababhalise ukuncintisa kukhetho lolu bagoqela uMnu Killian Sibanda owebandla leZanu PF, uNkosikazi Sibusisiwe Mpofu oweRenewal Democrats of Zimbabwe, loNgwalo Nyathi oweProgressive Democrats of Zimbabwe.
Isigaba seNkulumane sisele singela mmeli edale lephalamende kulandela ukubhubha kukaMnu Thamsanqa Mahlangu oweMDC-T ngenyanga ezayo.
Amacele eMDC wona athi kasoze angene kukhetho lolu. Athi uhulumende kumele alungisise indlela ukhetho oluqhutshwa ngayo ukuze kungabu lokuqilibezela.
Isiphathamandla sebandla leRenewal Democrats of Zimbabwe uMnu Younger Moyo uthi ulethemba lokuthi bazanqoba kulolukhetho.
"Usekelo silalo eNkulumane, yikho ubona sikhethe ummeli ongumama. Sizama ukutshengisa abantu ukuthi siyabaqakathekisa omama," kutsho uMnu Moyo.
Your browser doesn’t support HTML5
Ingxoxo loMnu Younger Moyo