Udubo lwendlala, ukuswelakala kwemisebenzi lesimo esibi somnotho kweleZimbabwe sokusenza inengi labantu lingene kumabandla enkolo ezitshiyeneyo likholwa ukuthi impilo ingatshintsha ibengcono ngemithandazo yabafundisi.
Imbhalo yesiKristu ithi guqa uthandazo, impendulo izabuya kodwa abampofu bakhala ezimathonsi ngoba impilo yabo kayaguquki. UNkosikazi Sifiso Ngwenya uthi kunini ethandaza kodwa impilo lokhu injalo.
"Sengile 5 years ngihamba church bengitshela besithi ungakhipha imali kukhona okuzayenzakala ama miracle monies, miracle businesses but akula okuhambayo lokhe ngaqala ukusebenza ngisebenza nzima, gadalala ngizama ukuthi ngihambise imali yonaleyi echurch maybe kungatshintsha but akula lutho."
Omunye okhalayo nguNkosazana Sithokozile Dube.
"Ngisonta ipentecostal church ngihlala nginikela every time ngiyanikela but akula lutho olutshitshayo impilo yami istuck.”
UNkosikazi Nyasha Muvhirimi laye uthi kudala enikela enkozweni kodwa kakatholi inhlalakahle.
"Bengizikhipha sibili imali zechurch kodwa kuyabe kungela into echachayo siyake sikhiphe sibili ama 20 dollars ama 30 dollars kodwa imuli yami ngiyabe ngingatholi ukuthi ngikwanise ukuyigcina kodwa ngikwanise ukukhipha imali ye church.”
Amabandla enkolo asememetheke ilizwe lonke njalo amanengi akhona agijimisa imali. UMpostoli Monica Nyathi oweZion Christian Church uthi amabandla amanengi ngawezigelekeqe.
"Spiritual ngivumile kulembali yama jail birds abathi bevela ejele bathi ayi thina nxa sake sabotshelwa ukutshontsha this time siza tshontsha abantu bevume bayabazi abantu boku targeter bayalwazi uluhluku olungafundanga lwazwisisa yilo olukholwa masinya lungakholwa sibili lugcwale tank yabantu 5,000 ngasikhatshana kodwa uluhlu olukhanyiselweyo aluvumi."
Ukuxabana kubangwa izikhundla kwenza abaphathi bawo behlukane. UMfundisi Levy Moyo weApostolic Church uchaza isizatho esenza behlukane.
"Ezinkonzweni zabo abavumeli omunye umuntu omutsha akhule asebenzise isipho sakhe umuntu omutsha abe frustrated sephuma sesiyahlanyela eceleni."
Kodwa kulamanye amabandla acela uNkulunkulu ukuba ahlenge abahluphekayo. UMfundisi Patricia Thomas weChurch of God uthi ibandla lakhe lincedisa ngokukhulukela abadubekileyo alithathi mali.
"Thina sinceda through the word and then singabona kule need yikho lapho esinceda khona lathi sithenga abo kumbe mpuphu with our economy izinto zinzima abantu bayabuya abaswelayo definitely ukuthi uyaswela uyabe engelakho ukudla endlini."
Kukakanti umfundisi omkhulu weBrethren In Christ Church, uGegana Ndlovu, uthi njengebandla eliqotho badidekile ngokwenzakalo.
"Umbuzo esilawo abanengi bethu yilokhu okuthi kuyini kanti vele okufundiswayo kuwonala ama church esiwabona ehluma indawana zonke inhloso yokuba khona kwawo ukuthi kuyini ngeke sakwazi kodwa kungenzeka ukuthi abanye yikufuna inzuzo nje imali kumalunga abo."
UMfundisi Useni Sibanda, isiphathamandla kunhlanganiso yamabandla ezokholo eyeChristian Alliance of Zimbabwe, uthi udubo olubangelwa yibubi bezomnotho elizweni sokwenze kwaba labafundisi bamanga.
"Njengoba ezomnotho zehlile lapha eZimbabwe siyananzelela ukuthi iskhathi esinengi abantu abayi emsebenzini akula msebenzi akula zimali babayibo abaqileka kalula ngabantu abantu khona kulendlela ezinye zokwenza izimali imali engaba khona eskhwameni sakho ngomthandazo okukhulisa imali okuba khona kumbe imali ezibuya okwamasalamusi konke lokhuyana yikuqileka kwabantu ngakho siyakwazi sokungamaqili yibusela akula bhayibhili elikhona la."
USibanda uthi sokumele uhulumende avale amabandla angaqedakaliyo aqila abantu njengalokhu okwenziwa ngamanye amazwe.
"Uyananzelela ukuthi ungakhangela ngaleKuboRwanda bacine bevala ama church amanengi ngenxa yobuqili bonalabo obuyabe busenzakala okwenzikuthi abantu abadubekayo abantu abampofu beqilwe kalula ngenxa yabantu abathatha advantage yokuthi abantu badubekile balenhlupho ezinengi"
IBhayibhili lithi ngezikhathi zokugcina kuzaba labafundisi labaprofethi bamanga, njalo abantu bazabakholwa. Kambe zinsuku zokugcina lezi na?
SEE ALSO:
Udaba Esilwethulelwe NguEzra Tshisa Sibanda