Abantu abanengi esiqintini seUmzingwane bathi sebelamba okumangalisayo ngenxa yesomiso esikhulu esidalwe yisikhudumezi somkhathi ese-El Nino. Umangoye selala eziko emizini phose yonke.
Izakhamizi ezinengi zithi isimo sibi lonyaka njalo azikwazi ukuthi zenzeni. UNkosikazi Bongiwe Tshabalala ngomunye wazo.
Mzingwane Dam
"Lonyaka kunzima, indlala inkulu kakhulu siyalamba emasimini asivunanga lutho akula kwatsha vele umumbu ungaka umncani."
Umfelokazi uJoice Khumalo, umsekeli womgcinisihlalo kubandla elibusayo eleZanu-PF eMawabeni, uthi uhulumende uzanika abalambayo ukudla.
"Owa khuluma ngoba silokhe simelele lakhathesi ukuthi abantu sithini siphiwe bake basinika bona kodwa uhulumende kukhanya angani uyakencedisa ngokuthi uyakencidise kakhulu. Kodwa besiphiwa ah besikhala ukuthi uhulumende engasibona njenga thina abafelokazi silentandane kulabantwana abafuba ukuthi bafunde."
Usobhuku uMnu. Sobantu Moyo uthi batshelwa ukuthi belobe amabizo abantu abalutshwana okumele bethole ukudla..
"Abantu ababhalisileyo kuhulumende balutshwana abanengi abantu ababhaliswanga abantu ababhaliswanga ungakhangela lonyaka abantu labatsha abaqinileyo abala lutho usobhuku kumbe angazuza abantu abathize kumbe 5 kumbe 7 kuthwe usobhuku ngowesi 7 akhethe
UMnu. Thulani Mlalazi, umlisa wesigaba seMtshede, uthi akulakudla okuphiwa abantu njalo izakhamizi zikhala kuye ngendlala nsukuzonke.
"Kuyangisinda ukuthi kanti ngathini abantwana labana ngoba one indlala ekhona yes indlala ibekhona ilizwe lonke kodwa le esigabeni sangakwethu iphambili ngoba lanxa nga bethole ukudla okungizwisa kakhulu ubuhlungu ngamanzi ezindaweni ezinjalo kumele kubelani lama Councillor yibo okumele kube njani, sincedisane kodwa ama councillor nxa ngifaka ireport yonaleyo ayi ngingazi kumbe kayihambisi kumbe kayihambisi."
Ukhansila kaWard 5 eMzingwane, uMnu. Elijah Nkala, uthi izakhamizi zimkhalela ezimathonsi nsukuzonke.
Ward 5 Umzingwane Councillor and former Zimbabwe Olympian Elijah Nkala
"Sasibacelile siyazama ukuthi sicele kutshukuthi nxa asazi lokhe sicela silwisa ukuthi abantu ngale phandle bengathwali nzima bengasifeli abantu laba abasuka kubo South Africa Botswana omalayitsha lokhe bebisa okunga marice khonokhiyana kodwa akuncedi ngoba kwesinye iskhathi kuba lama restrictions khonale ema border umangoye ulala eziko abantu bathwele nzima worse abantu bayanatha amaphilisi this and that akula kudla komile komile total akulalutho."
UMgcinisihlalo weUmzingwane District Council, uKhansila Charles Mpofu, uthi uhlelo lokupha abantu ukudla soluqalile.
"Kukhanya soluqalile uhlelo lwakhona lokuncedisa abantu kwamanye ama awards sebekhanya betholathola sibili lokhe nje bengena mbijana mbijana emawadini kunzima nje indawo le emzingwane yikuthi yindawo egcwele ezembiwayo igolide abanengi sebephila ngegolide abanye balima okuzingadi okuncani bathengi thengise ama vegetables silodubo olukhulu sibili ngoba imfula eminengi itshile njoba sisitsho izulu kalinanga amanzi kawangenanga emfuleni so inkomo lapho esezinatha khona sezinatha endaweni ezimbi kakhulu."
Kulesigaba eseMsehleni ngaphansi lapho okwahlaliswa kutsha abantu ngo2000 ngemva kokuthathwa komhlaba nguhulumende, owalwe impi yenkululeko njalo osengusobhuku walindawo, uMnu. Zecheus Mlalazi, ukhala ngamanzi.
"Mina ngisuke lobusobhuku lapha eh emsehleni ngisiyale ngili war vet mina yeah sathatha amaplazi yimi engangikhokhela thina singene ngo2000 laphana iskotsho esasifakelwayo yione ezinye lezi sesiphiwa ngabantu abalesifiso ukuthi basincedise babesifakela."
Lanxa uMongameli Emmerson Mnangagwa wavuma ukuba kulendlala eyesabekayo elizweni ethi kudingakala imali efika amabhiliyoni amabili amadollar eMelika - US$2 billion ukuze kuhlengwe abantu, ukudla lokhu bengakakutholi njalo umangoye selala eziko.