Uhulumende uthi useqhube inhlelo ezimqoka elizweni ezokulwisana lomkhuhlane woqhuqho-iMalaria njalo ukhuthaza amazwe akumanyano weSADC ukuthi asebenze ndawonye ekulwisaneni lumkhuhlane.
Lokhu kuvezwe ngumphathintambo wogatsha lukahulumende olubona ngezempilakahle uMnu. David Parirenyatwa lamuhla ekuqhubekeni komhlangano weziphathamandla zamazwe akumanyano weSADC eVictoria Falls, lapho okunanzwe khona ilanga lokulwisana lomkhuhlane weMalaria.
Umhlangano lo uqalise ngoMvulo kuyonale iviki njalo uphele lamuhla. Umanyano lo uthi amazwe amanengi azamile ukwehlisa inani labantu abathelelana igcikwane leHIV, njalo eleBotswana, South Africa, le Mozambique yiwo akhokhelayo.
Kusenjalo, isakhuzi seDaluka eLupane uMnu. Moven Qhelisa Ngwenya uchasisele uSithandekile Mhlanga weStudio 7 ngokuqhutshwa kwenhlelo zikahulumende emanyene lenhlanganiso ezizimeleyo ekulwiseni umkhuhlane weMalaria esigabeni sakhe. Inhlelo lezi zigoqela ukwabela abantu amambule okuvikela ukulunywa yiminyane.
Your browser doesn’t support HTML5
Ingxoxo LoMnu. Moven Qhelisa Ngwenya