Umhlangano wamazwe akumanyano weSADC osaqhubeka edolobheni le Victoria Falls ungene kulanga lesithathu ngoLwesithathu lapho abaphathintambo bengatsha zempilakahle abacubungula amacebo okulwisana lemikhuhlane egoqela oweEbola, owengculaza, Kanye lowofuba, belandela iziqondiso abazisungulayo eze SADC Protocol on Health.
Umhlangano lo ukhangelelwe ukugqitshwa ngoLwesihlanu kuyonale iviki, lapho okuzacutshungulwa okuphathelane lomkhuhlane woqhuqho imalaria.
Sixoxe loMnu. Sipho Mahlangu, olwela amalungelo abantu abaphila legcikwane leHIV yena otshele uSithandekile Mhlanga weStudio 7 ukuthi kufanele ohulumende bamazwe aku SADC bencedise ikakhulu abesifazana abazithweleyo kanye labantwana abaphila legcikwane leHIV ngoba bahlaselwa ngumkhuhlane woqhuqho ngendlela ehlukeneyo kulabanye.
Your browser doesn’t support HTML5
Ingxoxo LoMnu. Sipho Mahlangu